Malaka oshirish tizimida boshlang‘ich sinf o‘qituvchilarini tabiiy-ilmiy savodxonligini rivojlantirish masalalari

Аннотация

Jamiyat hayotida ta’limning o‘rni kundan-kunga ortib bormoqda. Ma’lumki, ta’lim yosh avlodni hayotga
tayyorlashning asosiy va eng samarali vositasidir. O‘qituvchining kasbiy kompetentligining rivojlanganlik darajasi tizim
xususiyatlarini hisobga olish, shuningdek, ta’lim jarayonining ilmiyligi va samaradorligiga bog‘liq. Shu bilan birga, ta’lim
ishlab chiqarish, texnika va boshqaruv sohasida insoniyat tajribasini oqilona o‘zlashtirish vositasi hamdir. Ushbu maqolada
boshlang‘ich ta’lim o‘qituvchilari malakasini oshirish jarayonida yangicha yondashuvlar hamda innovatsion metodlarning
mazmuni va mohiyati to‘liq yoritilgan. O‘quvchilar bilimini baholashda ularning ijodiy fikrlashi, berilgan savollarga keng
qamrovli javob berishi hamda javobni tabiat va turmush bilan bog‘lab izohlashi o‘qituvchiga dars berish samaradorligini
oshirish hamda mustaqil qaror qabul qilish imkonini beradi. Ta’lim yutuqlarini baholash xalqaro assotsiatsiyasi (IEA)
butun dunyo bo‘ylab ta’limni baholash, tushunish va yaxshilash bilan shug‘ullanadigan milliy tadqiqot institutlari, agentliklar,
olimlar hamda tahlilchilarning xalqaro hamkorligidir. Mazkur notijorat va mustaqil tashkilot tarmog‘ida 60 dan ortiq
mamlakat hamda 100 dan ziyod ta’lim muassasalari ishtirok etmoqda. 1958-yildan buyon IEA o‘quvchilarning matematika,
tabiiy fanlar va o‘qish savodxonligi bo‘yicha baholash jarayonida ta’lim tizimidagi kamchiliklarni bartaraf etish uchun
chora-tadbirlar
hamda maqbul tavsiyalar ishlab chiqishi bilan boshqa xalqaro tashkilotlardan ajralib turadi