Qalblarga qo‘ngan she’riyat yoxud “vaqt ushoqlari” haqida so‘z

Аннотация

She’riyat inson qalbining inja tuyg‘ulari ifodasi bo‘lib, shoir yuragidan chiqib, butun bir jamiyatning ruhiy
holatini aks ettiradi. She’riyatni anglash – bu o‘zlikni anglash, insoniylik mohiyatini anglashdir. Shunday ekan,
bugun ham she’riyatni sevish, uni targ‘ib etish – ma’naviyatimizni mustahkamlash demakdir. XX asrning 70-yillari
o‘rtalarida she’riyat olamiga kirib kelgan Ochil Tohir endilikda adabiyotimizning katta avlodiga mansub peshqadam
shoirlarimizdan sanaladi. “Qarz”, “Sog‘inch sohili”, “Ko‘nglim bilan suhbat”, “Shaklsiz olam” kabi she’riy
to‘plamlar muallifi bo‘lgan oqsoqol shoirimiz bugungi kunda ham qizg‘in ijodiy faoliyat bilan mashg‘ul. Ochil
Tohir nafaqat kattalar, balki bolalar adabiyoti rivojiga ham o‘ziga xos hissa qo‘shib kelyapti. Uning “Maqtanchoq
mushuk”, “Harflar jamlanmasi”, “G‘olib xo‘roz” kabi kitoblari bolalar adabiyoti ravnaqida muhim o‘ringa ega.