Pedagogik antropologiya Ushinskiy talqinida

Аннотация

Ushbu maqolada mashhur rus pedagogi Konstantin Dmitriyevich Ushinskiyning pedagogik antropologiya
haqidagi qarashlari tahlil qilinadi. Tadqiqot davomida olimning insonni tarbiya jarayonining markaziy obyekti sifatida talqin
etishi, pedagogikani inson tabiatini o‘rganishga asoslangan murakkab va ko‘p qirrali fan sifatida baholashi ilmiy jihatdan
yoritiladi. Shuningdek, maqolada K.D. Ushinskiy pedagogikasining falsafiy asoslari, xususan, I. Kant antropologik qarashlari
bilan bog‘liqligi ham ko‘rib chiqiladi. Muallifning ta’lim va tarbiya birligi, shaxs kamoloti, axloqiy tarbiya, erkinlik, mehnat,
odat va mustaqil faoliyat haqidagi fikrlari zamonaviy pedagogik nuqtayi nazardan tahlil etilgan.
Maqolada pedagogik antropologiyaning inson ruhiyati, fiziologiyasi va ijtimoiy tabiatini uyg‘un holda o‘rganishga qaratilgani
alohida ta’kidlanadi. Bundan tashqari, Ushinskiyning bolalar psixologiyasi, diqqat, xotira, ko‘rgazmalilik tamoyili
hamda rivojlantiruvchi ta’lim haqidagi qarashlari bugungi ta’lim tizimi bilan bog‘liq holda izohlanadi. Tadqiqot natijalari
shuni ko‘rsatadiki, Ushinskiy pedagogik merosi hozirgi davrda ham o‘zining ilmiy-amaliy ahamiyatini yo‘qotmagan bo‘lib,
shaxsga yo‘naltirilgan ta’limni rivojlantirishda muhim metodologik manba bo‘lib xizmat qiladi