Raqamli muhitda maktabgacha ta’lim tarbiyalanuvchilarining qo‘shimcha ta’limini tashkil etish: tadqiqotlar sharhi

Аннотация

Mazkur maqolada raqamli muhit sharoitida maktabgacha ta’lim tashkiloti tarbiyalanuvchilarining qo‘shimcha
ta’limini tashkil etish muammosiga bag‘ishlangan tadqiqot natijalari bayon etilgan. Maqolaning asosiy maqsadi so‘nggi
yillarda chop etilgan ilmiy manbalarda yoritilgan maktabgacha ta’lim tarbiyalanuvchilarining raqamli muhitda qo‘shimcha
ta’limini tashkil etishning pedagogik, ijtimoiy va psixologik jihatlariga oid tadqiqotlarning asosiy yo‘nalishlarini aniqlashdan
iborat. Tadqiqot ingliz tilida chop etilgan, ilmiy nashrlar indekslangan bazalarda qidiruv tizimlari orqali olib borildi hamda
belgilangan mezonlar asosida tahlil qilindi. Raqamli muhitdan foydalangan holda maktabgacha ta’lim tarbiyalanuvchilarining
qo‘shimcha ta’limi quyidagi jihatlar bo‘yicha o‘rganildi: pedagogik jihatlar (qo‘shimcha ta’limni amalga oshirish
shakllari va formatlari; o‘qitish texnologiyalari va o‘quv jarayonini tashkil etish turlari; qo‘llanilayotgan raqamli vositalar;
qayta aloqa mexanizmlari va ta’lim natijalarini baholash), psixologik jihatlar (XXI asr ko‘nikmalarini rivojlantirish), ijtimoiy
jihatlar (raqamli muhitning qo‘shimcha ta’lim tizimiga kirib borish darajasi; ijtimoiy va iqtisodiy tengsizlikni kamaytirish
imkoniyatlari; ijtimoiy identifikatsiyaning xususiyatlari). Tahlil natijalariga ko‘ra, raqamli muhitda maktabgacha ta’lim tarbiyalanuvchilarining
qo‘shimcha ta’limini o‘rganish muammosi hanuzgacha ilmiy hamjamiyat e’tiborining chekka sohasida
qolayotgani aniqlandi. Asosan, raqamli muhitdan foydalanish an’anaviy oflayn mashg‘ulotlar kontekstida ko‘rib chiqiladi.
Dunyo miqyosida qo‘shimcha ta’lim uchun mo‘ljallangan onlayn mahsulotlarning jadal rivojlanishi va ular bo‘yicha ilmiy
tadqiqotlarning yetarli darajada yoritilmagani ushbu yo‘nalishda tadqiqotlar olib borishni nihoyatda dolzarb etadi.