Sun’iy intellekt asosida ta’lim sifatini monitoring qilish mexanizmlarini takomillashtirish

Аннотация

Zamonaviy innovatsion jamiyatda ta’lim sifati davlatning intellektual kapitalini shakllantiruvchi strategik omil
hisoblanadi. Raqamli transformatsiya jarayonlari ta’lim tizimidan innovatsion yondashuvlar, yuqori aniqlikdagi tahlillar va
shaxsga yo‘naltirilgan ta’limni joriy etishni talab qilmoqda. Ta’lim jarayonining murakkablashuvi, kompetensiyaviy yondashuvning
keng qo‘llanilishi, o‘quvchilarning o‘zlashtirishidagi individual farqlar ta’lim monitoringi mexanizmlarini innovatsiyalash
zaruratini yuzaga keltirmoqda. An’anaviy monitoring usullari innovatsion talablarni qondira olmayapti: baholash
jarayoni subyektiv, ma’lumotlar real vaqt rejimida shakllanmaydi, ta’lim muassasalarida monitoring tizimi yetarli darajada
avtomatlashtirilmagan. Natijada ta’lim tizimida samarali boshqaruv, strategik rejalashtirish va sifatni oshirish bo‘yicha
ilmiy asoslangan qarorlar qabul qilish jarayoni sekinlashadi. So‘nggi yillarda sun’iy intellekt texnologiyalarining rivojlanishi
ta’lim monitoringi uchun innovatsion imkoniyatlar yaratmoqda. Machine Learning, Deep Learning, NLP, Learning Analytics
va Big Data tahlili kabi texnologiyalar ta’lim jarayoni monitoringini innovatsion bosqichga olib chiqmoqda. Ushbu
innovatsion texnologiyalar ta’lim jarayonida avtomatlashtirish, bashoratlash, adaptiv ta’limni rivojlantirish va shaffof monitoringni
yo‘lga qo‘yishni ta’minlaydi. Maqolada ta’lim sifatini nazorat qilishda innovatsion monitoring mexanizmlaridan
foydalanishning nazariy va amaliy asoslari tahlil qilinadi