Zamonaviy maktablarda xavfsizlik madaniyatining roli

Аннотация

Zamonaviy maktablar nafaqat bilim maskani, balki o‘quvchilar va xodimlar uchun xavfsiz, sog‘lom va
ishonchli
muhit yaratishi lozim bo‘lgan ijtimoiy makondir. Shu jarayonda xavfsizlik madaniyati muhim o‘rin tutadi. Xavfsizlik
madaniyati nafaqat qoidalar va yo‘riqnomalar majmui, balki barcha ishtirokchilarning – rahbariyat, o‘qituvchilar, o‘quvchilar
va ota-onalarning xavfsizlikka ongli munosabati hamda mas’uliyatli xulq-atvoridir. Ushbu maqolada maktablarda
xavfsizlik madaniyatini boshqarish masalalari O‘zbekiston Respublikasining amaldagi me’yoriy-huquqiy hujjatlari asosida
yoritiladi. O‘zbekiston Respublikasi Konstitutsiyasiga muvofiq davlat fuqarolarning hayoti va sog‘lig‘ini muhofaza qilishni
ta’minlaydi hamda ta’lim olish uchun xavfsiz sharoitlar yaratadi. Ushbu normalar maktablarda xavfsizlikni ta’minlashning
konstitutsiyaviy asosini tashkil etadi. Zamonaviy globallashuv sharoitida ta’lim tizimining barqaror faoliyat yuritishi
bevosita
xavfsiz muhitning ta’minlanishiga bog‘liqdir. Rivojlangan xorijiy davlatlar tajribasi shuni ko‘rsatadiki, maktablarda
xavfsizlik masalasi faqat jismoniy himoya bilan cheklanmay, balki psixologik, ijtimoiy va raqamli xavfsizlikni ham qamrab
olgan kompleks tizim sifatida qaraladi. Xavfsiz ta’lim muhiti o‘quvchilarning intellektual rivoji, ijtimoiy moslashuvi va shaxs
sifatida kamol topishida muhim omil hisoblanadi.